Duha ka sakyanan nagbangga sa Don Carlos, drayber angol

Nakaangkon og samad sa kalawasan ang duha ka drayber human nagbangga ang usa ka Bongo truck ug multicab sa highway sa Barangay Old Nongnongan, Don Carlos, Bukidnon, pasado sa alas-4 sa hapon, kagahapong adlawa.

Dali nga gitambalan sa mga mirespondeng rescue team ang duha ka drayber nga gikatahong angol tungod sa maong insidente.

Sa kuha nga bidyo, makita ang grabeng kadaot sa duha ka sakyanan diin natumba ang multicab sa daplin sa karsada samtang gipahimutang sa unahan nga bahin sa Bongo truck ang mga nasamdam.

Sa pagkakaron, padayon pang gisubay sa Don Carlos Municipal Police Station ang tinuod nga hinungdan sa maong aksidente.