Gikumpirma sa sikat nga vlogger nga si Gavin “Ser Geybin” Capinpin ang ilang pagbuwag sa iyang longtime partner nga si Elma “Mam Elma” Asagra, dungan sa pagpanghimakak sa mga nikatap nga “cheating rumors” sa social media.
Pinaagi sa iyang Facebook account niadtong Martes, Hunyo 23, gipahayag ni Ser Geybin nga dili basta-basta ang pito ka tuig nga puno sa kalipay ug gugma, apan ilahang gihimo ang tanan ug wala lang gyud nagmalampuson sa pagluwas sa ilang relasyon. Giklaro usab niya nga dili tinuod ang mga pagduda sa mga netizen nga duna’y laing babaye, ug usa lang ka pamilyas ug suod nga higala ang iyang kauban sa flight nga maoy nahimong sentro sa isyu. Nangayo usab siya og pasaylo sa mga pamilya nga nadamay sa kontrobersiya ug nisaad nga padayon gihapon kining mosuporta kang Mam Elma bisan og nagkabuwag na sila.