Nanghinaot si Bombo International News Correspondent Edward Reyes nga malabwan matud pa sa bag-ong Santo Papa ang nabuhat ni Pope Francis.
Gani, bisan pa man sa resulta, dako ang paglaom sa Filipino Community nga sa musunod nga conclave nga Pilipino na ang musunod nga piliong lider sa simbahang Katoliko.
Atol sa pakighinabi sa Bombo Radyo Malaybalay kang Reyes nga mamahimo matud pa nga usa ka tulay ang simbahan sa pagpakgang sa mga kagubot sa katilingban.
Kahinumdumang atol sa gipahigayong conclave, migamit og secret ballot ang mga kardinal diin 2 ka higayon gayod ayha nga nakab-ot ang ⅔ nga boto ayha nga miguwa ang puti nga aso sa tsimney sa Sistine Chapel sa St. Peter’s Basilica.
Human ang 2 ka higayon nga napakyas ang daghang tawong naghulat sa gawas sa Vatican, mipakita sa balkonahe sa St. Peter’s Basilica ang kardinal nga protodeacon ug moingon og “Habemus Papam!” nga nagpasabot nga duna nay bag-ong santo papa.
Giila ang bag-ong Santo Papa nga si Pope Leo XIV o Robert Francis Prevost, usa ka 69-anyos nga kardinal gikan sa Chicago Si Pope Leo XIV, ang unang santo papa nga gikan sa Estados Unidos, matod pa nga kasagaran sa mga Pinoy ngadto sa Italy dunay laing gusto aron mapilian nga bag-ong santo papa.
Mipaabot usab si Reyes, sa mga pag-ampo ug panghinaot nga unta malabwan pa ang kabuotan sa niaging santo papa.