Hingpit nang gitangtang sa iyang pwesto si Cavite Representative Kiko Barzaga isip miyembro sa House of Representatives human sa gihimong botasyon sa mga mambabalaod.
Kini human nakuha sa Kamara ang botong 265 nga pabor, 14 nga kontra, ug 8 ka abstention aron hingpit nga iselyo ang rekomendasyon sa House Committee on Ethics and Privileges batok kaniya tungod sa isyu sa seryosong paglapas sa disiplina ug unethical behavior. Gumikan niini, pormal nang natapos ang iyang termino isip mambabalaod sa maong institusyon.
Luyo sa bug-at nga silot, gipahayag ni Barzaga nga “okay” lang kaniya ang maong desisyon ug wala siya’y bisan unsang pagmahay sa nahitabo.
Prangkang gibutyag sa kanhi mambabalaod nga “no regrets” siya sa dagan sa sitwasyon ug iyang gidawat ang kapalaran, dungan sa pagkumpirma nga wala siya’y plano o intensyon nga iapela o isaka pa ang maong hisgotanan ngadto sa Korte Suprema.