Nagpadayon sa serbisyo ang usa ka traffic enforcer sa Malaybalay City Traffic Management Center kon (TMC) taliwala sa mikaylap nga video online bahin sa panaglalis tali sa usa ka drayber sa multicab niadtong Mayo 31.
Sumala ni Traffic Operation Officer III Agustin Cepeda, kasamtangan ang ginasusi karun ang tinuod nga dagan sa maong insidente aron mahatagan og patas nga hustisya ang duha ka banay.
Gipasabot usab ni Cepeda nga aduna silay gipatuman nga “15-seconds rule” sa mga yellow box sa syudad aron mapugngan ang paghuot sa dagan sa mga sakyanan.
Samtang gipangitaan og dinalian nga solusyon ang maong isyu, diin naghangyo ang TMC sa pagsabot sa mga drayber ug nagpahinumdom sa tanang motorista nga tumanon ang mga patakaran sa dalan aron malikayan ang lalis.
Dugang pa ni Cepada nga buot niini personal nga mahimamat ang mismong drayber nga nag-upload sa video ug mudangop sa ilang buhatan kon adunay reklamo aron mahusay ug mahatgan og insaktong hukom.
Sa pagkakaron, padayon sa pag-duty ang ang nalambigit nga enforcer sa isyu gumikan wala matud pa kini nakita nga sayop nga gibuhat ug nagtuman lamang sa mga patakaran alayon sa ordinansa.