Gikwestiyon sa kampo sa prosekusyon ang paggamit ug liquidation sa confidential funds ni VP Sara Duterte, ilabi na ang mga ngalan sa recipients ug kakulang sa klarong ebidensya sa intelligence operations.
Matud sa Deputy Speaker Janet Garin, base sa mga testimonyang nadungog sa impeachment trial, adunay dagkong kantidad sa confidential funds nga gi-withdraw ug giturn-over sa mga opisyal, apan kuwestiyonable ang mga dokumento nga gigamit sa liquidation.
Gipunting usab ni Garin ang pipila ka ngalan sa liquidation, diin adunay mga ngalan nga patay na o dili makumpirma ang ilang pagkaapil sa mga kalihokan nga giingong gigastohan sa confidential funds.
Matud pa niini, mahimong protektado ang identidad sa tinuod nga informants, apan kinahanglan gihapon og ebidensya nga nagpakita kung giunsa ug asa gigamit ang maong pondo.
Gipasabot sa mamababalaod nga ang confidential funds kasagarang gigamit alang sa intelligence operations batok sa droga, kidnapping, terorismo ug uban pang krimen.
Hinuon gipaambit niini ang kamahinungdanon sa pag-imbita sa bise presidente aron matubag ug mapanalipdan ang iyang kaugalingon sanglit limpyo ang ang iyang ngalan sa mga isyu nga gikalambigitan niini.