Ordinansa nga nagtumong sa paghatag og job order alang sa mga opisyal sa barangay, padayon pang gitun-an!

Padayon pang gitun-an sa lokal nga panggamhanan sa dakbayan sa Malaybalay ang gisugyot nga ordinansa kalabot sa paghatag og job order sa mga political leader o barangay chairman aron mahimong kabahin sa city structure.

Sa pakighinabi sa Bombo Radyo Malaybalay ngadto kang Malaybalay City Mayor Jay Warren Pabillaran, gipasabot niini nga anaa pa lamang sa ikaduhang pagbasa ang maong sugyot ug kinahanglan pa kining muagi sa ikatulong pagbasa.

Dugang pa sa mayor, kung maaprubahan na kini sa City Council, isumite pa ang ordinansa sa City Legal Office alang sa legal opinion sa dili pa niya himoan og pinal nga aksyon.

Gipasabot sa mayor nga adunay 15 ka adlaw ang mayor aron pirmahan o i-veto ang ordinansa human kini maaprubahan sa konseho.