Rep. Brian Poe Llamanzares ug DOJ Usec. Margarita Gutierrez opisyal nang nagpakasal

Pormal nang nagpakasal si FPJ Panday Bayanihan Party-list Representative Brian Poe Llamanzares ug ang iyang nobya nga si Department of Justice (DOJ) Undersecretary Margarita Gutierrez sa usa ka seremonya sa Santuario De San Jose sa Mandaluyong City kaniadtong Martes, Setyembre 8. Gitambongan ang maong kasal sa ilang pamilya, mga higala, ug iladong mga personalidad sa natad sa pulitika ug negosyo. Lakip sa mga nagsilbing principal sponsors mao sila si First Lady Liza Araneta Marcos, Senator Tito Sotto, Manila Mayor Isko Moreno, Quezon City Mayor Joy Belmonte, ug ang mga iladong magpapatigayon nga sila si Ramon Ang, Tessie Sy Coson, ug Lance Gokongwei. Human sa seremonya sa simbahan, gipahigayon ang wedding reception sa Foro de Intramuros sa Lungsod sa Maynila. Si Llamanzares anak ni kanhi Senadora Grace Poe, samtang si Gutierrez usa usab ka abogado ug anak ni kanhi DOJ Secretary ug Ombudsman Merceditas Gutierrez.