Nagbangga ang mga demonstrador ug kapulisan sa Germany atol sa mga protestang kalihukan nga gipahigayon sa pipila ka grupo tungod sa nagkagrabeng krisis sa ekonomiya sa nasud.
Kabahin sa mga nagprotesta ang grupong Gen Z Regelt, nga nagpasabot og “Gen Z takes charge.”
Lakip sa ilang gipaningil ang kakulang sa pondo alang sa mga eskwelahan, pagkunhod sa badyet alang sa serbisyo militar ug pagsaka sa presyo sa mga palaliton.
Napugos ang kapulisan sa paggamit og puwersa human marekord ang pagpangawat sa pipila ka establisemento atol sa protesta.
Gisundog usab sa maong kalihukan ang samang protesta sa France, diin kapin 320,000 ka tawo ang miapil sa demonstrasyon.
Tungod niini, gipahugtan sa mga otoridad ang seguridad sa nagkadaiyang bahin sa Germany, ilabi na sa Frankfurt, Munich ug Berlin.