Gikumpirma sa pamilya ni Gil Aducal Morales, nga mas nailhan sa natas sa showbiz isip si Ate Gay, ang iyang pagkamatay pinaagi sa pahayag nga gipagawas sa iyang opisyal nga Facebook page niadtong kagahapong adlawa, Nobyembre 1, 2026.
Matud sa pamilya, namatay si Ate Gay human sa maisogong pakigbisog alang sa iyang kinabuhi, samtang gilibotan sa iyang mga minahal sa kinabuhi.
Nailhan si Ate Gay isip komedyante ug impersonator sa beteranang aktres nga si Nora Aunor, diin gihigugma siya sa daghang tawo tungod sa iyang pagpakatawa ug pagsundog sa gitawag nga Superstar.
Nagpasalamat usab ang pamilya sa tanang naghatag og pag-ampo, gugma, pinansiyal nga tabang ug suporta atol sa iyang pag-antos sa gihambin nga sakit.
Giawhag usab nila ang publiko nga ipadayon ang pag-ampo alang sa malinawon nga pagpahulay sa komedyante.