Subling gipahimangnuan ni Malaybalay City Mayor Jay Warren Pabillaran ang PrimeWater nga tumanon ang ilang mga commitment sa mga proyekto sa water system human mahibal-an nga ubang proyekto ang naaprobahan na apan wala pa’y igong pondo.
Gipadayag sa mayor nga kinahanglan malakip kini sa ilang annual budget aron mapadayon ang pagpaayo sa suplay sa panubig sa syudad.
Samtang, padayon gihapon ang water rationing sa Malaybalay diin nagbutang ang lokal nga gobyerno og dagkong tangke sa mga strategic location aron didto na magkuha ang mga residente imbis nga magpadala pa og tubig matag balay.
Gibanabanaang hapit na moabot og 50 ka tangke ang kinahanglan ipahimutang, gikan sa kapin 20 pa lamang karon, nga gastusan sa City Government of Malaybalay.