Nabuhi pag-usab ang panawagan nga ipaubos ang edad sa kriminal liability human sa nanghitabong pagpamusil sa Tacloban City nga miresulta sa kapin 22 ka angol ug upat ka namatay. Gisugyot ni Senador Robin Padilla nga ipaubos ngadto sa 10 anyos ang edad sa criminal liability o kriminal nga responsibilidad.
Matod ni Sen. Padilla nga gipatuman na kini sa ubang mga nasod, ilabina sa Asya ug Europa, ug iyang gihingusgan nga panahon na para tukion sa kini sa umaabot nga espesyal nga sesyon.
Sa laing bahin, gihangyo ni Senador Francis Pangilinan ang hustong pagpatuman sa Juvenile Justice Law. Matod niya, ang mga menor de edad kinahanglang moagi sa hustong proseso sa balaod, samtang ang mga ginikanan posibleng manubag kon adunay pagpasagad sa ilang katungdanan.
Samtang si Senador Bong Go mihangyo og imbestigasyon aron masuta kung giunsa pagkuha sa mga suspek sa mga armas ug kung nganong nakasulod kini sulod sa eskwelahan. Dugang pa niya nga kinahanglang repasuhon ug pauswagon ang mga balaod aron malikayan ang susamang trahedya sa umaabot.