Gipatuman na karong Septiyembre 28 ang bag-ong fare matrix sa mga pampublikong sakyanan sa tibuok nasod, lakip na sa Northern Mindanao.
Matud ni LTFRB-10 representative Alexis Joseph Bendijo, nagkalain-lain ang gi-aprubahang plitehan depende sa klase sa PUV ug gilay-on sa biyahe.
Lakip sa naapektuhan sa bag-ong adjustment ang traditional ug modern PUJ, electric PUJ, taxi, TNVS, UV Express ug public utility buses.
Gipahinumdoman usab sa LTFRB nga magpabilin ang 20 porsyentong diskwento alang sa mga estudyante, senior citizen ug PWD.
Gawas sa diskwento, gipangusgan sa ahensya nga kinahanglan klaro ug makita sa mga pasahero ang bag-ong fare matrix aron malikayan ang sobra nga pagsingil.
Samtang, giawhag ang mga pasahero nga i-report sa LTFRB ang bisan unsang kalapasan o kalainan sa gisakto nga plitehan.
Gipahinumdoman sa LTFRB ang mga pasahero nga ang pagpatuman sa bag-ong plitehan kinahanglan mosunod sa gi-aprubahang fare matrix ug dili mahimong pasagdan ang sobra o sayop nga pagsingil.