Gipanalipdan sa House Prosecution Panel ang testimonya sa Police Major Jorickson Sanggalang sa PNP Firearms and Explosives Office atol sa impeachment trial ni Vice President Sara Duterte.
Gihisgutan sa mga senador ang relevance sa 51 ka armas nga giingong iya ni VP Sara ug sa iyang bana, ilawom sa Article II o unexplained wealth.
Sumala kang Prosecution Spokesperson Robert Ace Barbers, ang 51 ka armas nga nagkantidad og kapin P7 milyon mahimong ebidensiya sa giingong paglapas sa SALN declaration requirements.
Gipasabot ni Atty. Terry Ridon nga lakip ang mga armas sa pagpakita sa prosecution sa mas kompleto nga hulagway sa kabtangan sa bise presidente.
Samtang, giingon ni Barbers nga mahimong dugang nga ebidensiya sa Article II ang testimonya ug uban pang ebidensiya bahin sa giingong pagdawat og kuwarta ni VP Sara, kung mapamatud-an kini sa imbestigasyon.