Hugot na nga mangandam ang lokal nga kagamhanang sa Malaybalay pinaagi sa City Traffic Management Center (TMC) alang sa pagpatuman sa mga lagda sa trapiko alang sa umaabot nga Kaamulan Festival karong tuiga.
Gibutyag ni Justino Roy B. Santonino, Traffic Operations Officer I, nga adunay mga partikular nga dalan ug mga kausaban sa dagan sa trapiko aron masiguro ang hapsay ug luwas nga pagsaulog sa tinuig nga festival sa probinsya sa Bukidnon.
Alang sa mga dagkong sakyanan sama sa mga truck ug bus, gimando ang pag-agi sa Bypass Road, samtang ang mga light vehicles mahimong mogamit sa Sumpong Diversion Road ug gilauman nga mogawas na sa Caltex dapit sa Casisang.Â
Aron masiguro ang hapsay nga biyahe, adunay gipang-deploy nga mga route guides, traffic personnel, ug dugang tabang gikan sa grupong PIYAG nga mogiya sa mga biyahero sa tibuok panahon sa road closure.