- Advertisement -
Gitugyan na sa National Bureau of Investigation (NBI) ngadto sa Office of the Ombudsman ang mga resulta sa ilang imbestigasyon kalabot sa giingong sayop nga deklarasyon sa Statement of Assets, Liabilities and Net Worth (SALN) ni Vice President Sara Duterte.
Matud ni NBI Director Atty. Melvin Matibag, nakatigom na ang ilang buhatan og mga dokumento ug ebidensiya kalabot sa mga kabtangan sa bise presidente nga giingong adunay kalainan sa iyang deklarasyon sa SALN.
Lakip sa gisusi sa NBI ang duha ka luna nga gideklarar isip agricultural land sa pinakabag-ong SALN ni Duterte. Matud ni Matibag, nakit-an usab sa ilang imbestigasyon ang giingong wala maideklarar nga mga kabtangan, lakip ang luna nga adunay helipad.
- Advertisement -