High-value drug personality sikop sa gipahigayon nga buy-bust operation sa Cagayan de Oro

Sikop sa kapulisan ang giilang “high-value” drug personality human masikop sa gikasang buy-bust operation sa Celrai, Barangay Puntod, Cagayan de Oro City, niadtong nakalabay nga  gabii.

Ang malampusong operasyon gipahigayon sa mga operatiba sa PDEA Cagayan de Oro City–Misamis Oriental Provincial Office, inabagan sa mga personahe sa COCPO Police Station 5. 

Naila ang suspek nga si alyas  “Manoy” human makuhaan og 100 gramos nga gibana-bana nga mokabat  ngadto sa ₱680,000.

Kasamtangang anaa na sa kustodiya sa mga otoridad ang suspek samtang giandam na ang mga kasong paglapas sa Republic Act 9165, o ang Comprehensive Dangerous Drugs Act of 2002, batok kaniya.