₱3.00 nga umento sa pamasahe sa motorela sa Valencia City, aprubado na

Aprobado na sa Sangguniang Panlungsod ang Ordinance No. 41-2026 nga naglatid og ₱3.00 nga umento sa pamasahe sa mga motorela sa Dakbayan sa Valencia.

Ang maong provisional fare adjustment gipatuman tungod sa padayon nga pagsaka sa presyo sa gasolina sa merkado.

Ubos sa maong ordinansa, magpagula og klarong fare matrix sa matag ruta samtang ipadayon ang 20% nga diskwento alang sa mga estudyante, senior citizens, ug PWDs.

Gipatin-aw sa LGU Valencia nga tumong niini nga balansehon ang panginahanglan sa mga drayber ug ang katakos sa mga pasahero taliwala sa krisis sa lana.