Lisensya ni Niño Muhlach, gi-revoke sa LTO sulod sa duha ka tuig

Gi-revoke sa Land Transportation Office o LTO sulod sa duha ka tuig ang lisensya sa aktor nga si Niño Muhlach, human sa insidente sa pagkabangga sa Antipolo City niadtong miaging bulan.

Matud sa LTO, nakit-an sa ilang imbestigasyon nga nawad-an og kontrol si Muhlach sa iyang sakyanan tungod sa grabeng kakapoy.

Nabanggaan niini ang tulo ka establisemento ug usa ka motorcycle rider.

Magpabiling anaa sa alarm status ang sakyanan aron mapatuman ang multa ug malikayan ang mga transaksyon niini.

Miangkon usab ang aktor nga nakatulog kini samtang nagmaneho tungod sa kakapoy.