Gihatagan sa Department of Transportation o DOTr og usa ka bulan ang LTFRB aron tun-an ug desisyunan ang petisyon sa mga transport group nga mangayo og dugang pasahe.
Matud ni Transportation Secretary Giovanni Lopez, gikinahanglan nga makapagawas og desisyon ang LTFRB sa Oktubre tungod sa padayong pagsaka sa presyo sa lana.
Padayon usab ang pagdungog sa LTFRB sa petisyon samtang gitimbang sa gobyerno ang mga paagi aron matabangan ang sektor sa transportasyon.
Gipasabot ni Lopez nga kinahanglan balansehon ang interes sa mga drayber ug operator ug ang kapasidad sa mga pasahero.
Samtang, gipataas na sa gobyerno ngadto sa P12 matag litro ang fuel discount alang sa mga pampasaheroang sakyanan, nga gibanabana nga makapamenos og P1,800 sa gasto matag semana.