Gibarugan ang Bureau of Jail Management and Penology o BJMP nga walay espesyal nga pagtratar nga nadawat si presidential cousin ug Rep. Martin Romualdez samtang anaa siya sa kustodiya.
Gipasabot sa ahensya nga parehas ra ang pagtratar kang Romualdez ug sa ubang taas nga opisyal nga nabilanggo karon, sama sa mga naunang mga detainee.
Sumala kang BJMP spokesperson Superintendent Jayrex Bustinera, parehas ang mga polisiya sa jail management alang sa tanang tawo nga mosulod sa selda.
Kung unsay madawat sa ordinaryong mga bilanggo, mao usab ang madawat sa mga opisyal nga napriso.
Lakip niini ang visitation privileges, pagkaon, medical care, access sa mga hearing, ug uban pang panginahanglan sa mga detainee.
Ang mga pagkaon nga dad-on sa mga bisita alang kang Romualdez ipaagi usab sa security check.
Ang bugtong kalainan mao ang dugang nga seguridad nga gibutang sa palibot sa prisohan ni kanhing House Speaker Romualdez ug sa ubang high-profile inmates.