Padayon ang pagbantay sa kapulisan sa Rehiyon10 batok sa posibleng pagpangrekrut sa mga kabataan sa eskwelahan sa walhong grupo sama sa New People’s Army (NPA).
Sa eksklusibong pakighinabi sa Bombo Radyo Malaybalay kay Police Major Joann Navarro, tagpamaba sa Police Regional Office 10, nga hugot ang ilang pagbantay aron masiguro nga walay mga estudyante nga madani nga muapil sa armadong grupo.
Matod ni Navarro, ang mga kabatan-onan maoy usa sa labing delikado o vulnerable nga target sa mga rekrut sa walhong grupo, ilabi na sa mga eskwelahan ug komunidad.Tungod niini, nagpahigayon na og intensified nga monitoring ang kapulisan sa tibuok rehiyon, pinaagi sa pakigtambayayong sa mga eskwelahan, faculty members, ug barangay officials.
Lakip sa ilang mga lakang ang regular nga pagbisita sa mga eskwelahan ug barangay aron mapalig-on ang koordinasyon ug paghatag og impormasyon.Gipangunahan usab sa PRO-10 nga importante ang kolaborasyon sa tanang sektor aron mapugngan ang dautang plano sa mga walhong gropo.