Gihangyo sa kampo ni kanhi Presidente Rodrigo Duterte si Presidente Ferdinand Marcos Jr. nga tugotan siya nga makabalik sa Pilipinas kung maaprobahan ang ilang interim release gikan sa International Criminal Court (ICC).
Matod ni Atty. Nicholas Kaufman, ang kahimsog sa kanhi presidente nagpadayon sa pagkadaot, nga nakaapekto sa iyang katakus nga masabtan pag-ayo ang ebidensya.
Gidugang ni Kaufman nga ang kasamtangang Administrasyon motugot sa kanhi Presidente nga makabalik sa nasud alang sa usa ka patas nga pagdungog hangtod sa pagtapos sa mga proseso. Kahinumdoman nga ang 80-anyos nga kanhi presidente anaa sa kustodiya sa ICC sukad kaniadtong Marso ug kaniadtong Agosto nangayo silag interim release sa wa hinganli nga nasod.
Kaniadtong Setyembre 8, gianunsyo sa international tribunal nga ang confirmation of charges hearing sa war against humanity sa kanhi Presidente gi-postpone tungod kay ang kanhi presidente dili igo ang kahimsog alang sa pagsulay.
Giklaro ni Kaufman nga ang pahayag nga dili maayo ang kahimtang sa kanhi presidente gisuportahan sa mga medical experts, lakip na ang mga wala gipili sa depensa.