Wanted nga salesperson arestado sa kasong Qualified Theft, sikop sa Valencia City!

Tingkagol na sa Valencia City Police Station ang usa ka 32-anyos nga salesperson human kini malampusong nasikop sa mga otoridad sa Purok-13, Barangay Bagontaas, Valencia City, Bukidnon, niadtong milabayng adlaw ning kasamtangang tuig.

Ang dinakpan giila nga si Marco Antonio Dabalos Lazanas Jr., residente sa Quezon, Bukidnon, kinsa nag-atubang og kasong Qualified Theft.

Gipahigayon ang operasyon aron isilbi ang warrant of arrest nga naggawas pa niadtong Abril 2024, diin gitakda sa korte ang kantidad nga P40,000 isip pyansa alang sa iyang temporaryong kagawasan.

Sa pagkakaron, ang suspek ubos na sa kustodiya sa kapulisan alang sa sunod nga mga legal nga proseso.