Mikabat sa P1.4 milyon nga kantidad sa ilegal nga abono ug kemikal ang nasakmit sa CIDG Isabela Provincial Field Unit atol sa gihimong pagsilbi sa search warrant sa Iligan City, Isabela, niadtong milabayang adlaw.
Nasikop sa operasyon ang usa ka 33-anyos nga mag-uuma nga giilang si “Roy” human mabulgar nga nag-operate kini og sekretong laboratoryo sa iyang panimalay nga walay lisensya gikan sa Fertilizer and Pesticide Authority kon (FPA).
Nagsugod ang imbestigasyon tungod sa reklamo sa mga silingan batok sa dili masabtan nga baho sa balay sa suspek, diin nasuta nga sukad pa niadtong 2024 naggama kini og mga produkto nga gipangbaligya online.
Lakip sa mga nakuha mao ang mga drums sa fermented seaweed, mixer, hilaw nga materyales, ug uban pang kahimanan nga gigamit sa paghimo og dili rehistradong agricultural chemicals.
Nanawagan ang CIDG sa publiko nga itaho ang bisan unsang kadudahang pagbaligya og abono aron maprotektahan ang mga mag-uuma gikan sa makadaot ug peke nga mga input sa agrikultura.