Mikabat na ngadto sa 329 ka vehicular traffic accidents ang natala sa dakbayan sa Malaybalay gikan Enero hangtod Abril ning tuiga, butang nga nagpakita sa seryosong hulga sa kaluwasan sa kadalanan.
Sa pakighinabi sa Bombo Radyo Malaybalay, gibutyag ni Traffic Operations Officer III Agustin Cepeda sa TMC Malaybalay, nga base sa datos sa PNP, nag-unang hinungdan sa maong mga aksidente mao ang reckless driving ug ang pagmaneho nga nakainom og ilimnong makahubog. Nasayran nga kasagaran sa mga nalambigit mao ang mga motorsiklo, gisundan sa mga sedan, van, ug truck.
Gawas sa kakuwang sa pag-amping, narekord usab sa TMC ang daghang drayber nga walay lisensya ug wala magsul-ob og helmetโpartikular na sa mga fatal nga insidente. Tungod niini, gipahugtan karon sa TMC ang ilang checkpoint operations ug ang pagpanakop sa mga violator aron maminusan ang dugang nga duguong aksidente sa kadalanan.