K-pop group nga Mamamoo mibalik na sa music scene human sa tulo ka tuig

Mibalik na ang K-pop group nga Mamamoo sa music scene human sa kapin tulo ka tuig nga pahuway sa ilang mga group release pinaagi sa paglusad sa bag-ong single album nga “4WARD.”

Ang maong album gilangkuban sa lima ka tracks, lakip na ang intro nga “Blooming,” ang lead single nga “4 Flowers,” ug uban pang bersyon sama sa acoustic, remix, ug instrumental.

Kini ang unang group comeback sa Mamamoo sukad sa ilang 2022 EP nga “Mic On,” samtang ang mga miyembro nag-focus una sa ilang tagsa-tagsa ka solo activities sa milabay nga mga katuigan.

Dungan niini, gitakda usab nila ang pagpahigayon og world tour nga sugdan sa Seoul ug adunay stop sa Manila karong Agosto 8, nga maoy timaan sa ilang pagbalik sa Pilipinas.