Taliwala sa opisyal nga pagsugod sa ceasefire nga kalampusan, subling miatake ang Israel bisan wala pa molapas og usa ka oras ang maong kasabutan.
Matud pa, nagpadayon ang pagpangbomba sa artilyeriya sa Israel ngadto sa mga lungsod sa Khiam ug Dibbine sa habagatang bahin sa Lebanon.
Sumala sa Lebanon’s National News Agency, ang nadungog nga sunod-sunod nga mga pagbuto naghatag og grabeng kahadlok sa mga residente, hinungdan nga daghan ang napugos sa pagpangita og luwas nga masilungan.
Bisan pa niining nagpadayong tensyon, wala pa’y opisyal nga reaksyon gikan sa Israel bahin sa maong insidente human sa deklarasyon sa ceasefire.
Sa pikas bahin, nagpahimangno ang mga lokal nga opisyal sa habagatang Lebanon nga ang maong kalihokan mahimong makadaot sa tinguha nga mapahimutang ang kalinaw sa rehiyon.