Gilauman sa Bangko Sentral ng Pilipinas (BSP) nga makasinati og pagkunhod ang inflation rate sa nasud alang sa buwan sa Hulyo, base sa pinakabag-ong pagsusi.
Sa preliminaryong dats nga natala, giluwat sa BSP nga posibleng naglihok ang inflation gikan sa 0.5% hangtod 1.3%, nga mas ubos kumpara sa 1.4% nga natala sa miaging bulan sa Hunyo.
Ang pagsaka sa presyo sa karne ug utanon gumikan sa epekto sa kalamidad, ingon man ang pagtaas sa kuryente, petrolyo, ug ang os-os sa balor sa piso, gituohang mga nag-unang rason sa kasamtangang inflation.
Bisan pa man, posibleng malimitahan ang epekto niini sa kinatibuk-ang presyo sa padayon nga pagnaug sa presyo sa bugas, matud pa sa BSP.
Kini nga taho usa ka positibong indikasyon nga posibleng maminusan ang pressure sa mga konsumer kung magpadayon ang paghinay sa inflation.