Gipasiugda ni Batangas 2nd District Rep. ug House Committee on Justice Chairperson Gerville Luistro nga wala gidali o gilaktawan sa Kamara ang proseso sa impeachment batok kang Bise Presidente Sara Duterte.
Sumala ni Luistro, gisunod sa komite ang Konstitusyon ug gisiguro nga ang tanang lakang sa pagdungog ug pagsusi sa reklamo miagi sa hustong proseso.
Niadtong miaging Miyerkules, nakita sa komite nga adunay “probable cause” aron ipadayon ang impeachment.
Gitapos sa panel ang committee report nga naglangkob sa impeachment articles nga isumite sa plenaryo sa Kamara.
Matud ni Luistro nga katungdanan sa komite ang pag-apruba sa mga dokumento ug pagpasaka niini sa tibuok House of Representatives alang sa dugang nga aksyon, lakip na ang gikinahanglang one-third nga boto sa mga miyembro sa dili pa kini mapasaka sa Senado alang sa paglitis.
Gidugang pa niini nga kon adunay sala ang Bise Presidente, pasagdan nga ang kamatuoran maoy mohukom; apan kon inosente, ang proseso usab maoy molimpyo sa iyang ngalan.