Gilauman nga mopaspas ang pagsaka sa inflation rate sa Pilipinas alang sa bulan sa Abril karong tuiga sumala sa gibanabana sa mga ekonomista ug sa Bangko Sentral ng Pilipinas.
Sa report nga ipagawas sa PSA karong alas-9 sa buntag, Mayo 5, 2026, gilauman nga mosaka ang inflation sa tunga sa 5.6% ngadto sa 6.4% gikan sa 4.1% niadtong Marso. Ang nagpadayong krisis sa lana sa Middle East ug ang pagkaluya sa kantidad sa piso batok sa dolyar ang giila nga nag-unang hinungdan sa maong pagtaas.
Kini nga kahimtang nagpahinabo og pagsaka sa presyo sa petrolyo, kuryente, ug uban pang batakang palalitan sama sa bugas ug karne.
Bisan pa man niini, gipasalig sa BSP nga andam silang moaksyon pinaagi sa monetary policy aron mapugngan ang dugang nga pagsaka sa presyo sa merkado.