Subling nagpahinabo og kontrobersiya si Cavite 4th District Rep. Kiko Barzaga human niini gitandi ang plenaryo sa House of Representatives sa usa ka “Crocodile Farm” sa iyang pagbalik gikan sa suspension niadtong Mayo 4, 2026.
Sa iyang gi-upload nga “Meow Meow Vlog,” walay pagduha-duha nga gitawag sa kongresista ang iyang mga kaubanan sa maong lawak nga mga “buwaya” ug “magnanakaw.”
Bisan pa niining hait nga mga pulong, gipahayag ni Barzaga nga andam na siyang “moatake” ug mopadayon sa iyang trabaho isip mambabalaod.
Ang maong pamahayag nga giluwat sa kongresista, nagsumikad sa isyu sa presyo sa lana ug ang iyang alegasyon nga adunay kurapsyon sa pagdumala sa pondo sa gobyerno.
Gihisgutan usab ni Barzaga ang iyang personal nga pagbati nga gidaug-daog siya sa iyang mga kaubanan human siya gipahamtangan og sunod-sunod nga suspension, hinungdan nga gitawag niya ang plenaryo nga “crocodile farm” apan gipasalig niini nga sanglit mapalagpot kini sa katungdanan mapamatud-an lamang ang korapsyon sa kamarabaha.