Usa ka makapanindog-balhibo ug dautang insidente ang mikubog sa Brgy. Litapan, sa lungsod sa Josefina, Zamboanga del Sur, human napalgang patay ang upat ka miyembro sa usa ka pamilya sulod mismo sa ilang panimalay karong adlaw’ng Lunes sa buntag, Hunyo 29, 2026.
Base sa inisyal nga imbestigasyon, daling miresponde ang mga personahe sa Josefina Municipal Police Station, uban sa mga sundalo gikan sa 53rd Infantry Battalion ug mga opisyales sa barangay, human nadawat ang report mahitungod sa maong hitabo.
Pag-abot nila sa dapit, nabulit sa dugo ug wala nay
kinabuhi ang mga biktima.
Giila ang mga nakalas nga mao silang:
Arlene Fernan Dumalte – ang inahan sa pamilya
Nacel Dumalte – 14 anyos
En-en Dumalte – 13 anyos
Arnel Dumalte – 12 anyos
Sumala pa sa dugang taho sa kapolisan, ang mga biktima nakaangkon og seryoso ug daghang mga samad sa lawas nga maoy hinungdan sa ilang dinalian nga kamatayon.
Sa pagkakaron, padayon pa ang gihimo nga masusing imbestigasyon sa mga otoridad aron masuta ang motibo sa krimen ug aron mailhan ingon man madakpan ang mga mibuhat niining linuog nga pamamaslang.