Misaka pa ang gidaghanon sa mga nakalot (namatay) human sa magnitude 7.8 nga linog nga miigo sa pipila ka bahin sa Mindanao niadtong Hunyo 8, 2026.
Subay sa datos sa National Disaster Risk Reduction and Management Council (NDRRMC), niabot na sa 55 ang natala nga namatay.
Misaka usab ang gidaghanon sa mga naangol human sa gihimong berepikasyon, diin niabot na kini sa 1,120.
Samtang aduna na usab 38 nga gidaghanon sa mga nawala human miigo maong linog.
Matud ni Civil Defense Deputy Administrator Bernardo Rafaelito Alejandro IV, nadagdagan ang ihap sa mga missing human makadawat og bag-ong mga report gikan sa Glan, Sarangani ug General Santos City.
Padayon pa nga giberepika sa Department of Health (DOH) ug Department of the Interior and Local Government (DILG) ang gidaghanon sa mga nakalas aron matandi kini sa uban pang report sa kagamhanan.
Gipatin-aw usab si Alejandro nga ang listahan sa OCD miagi sa masusing double-checking aron malikayan ang dobleng pag-ihap o ang pagreport sa mga nawala isip patay na.
Samtang, nagpabilin nga lisod sudlon ang mga dapit sa baybayon sa Glan, Jose Abad Santos sa Davao Occidental, ug Balut Island tungod sa mga nahitabong pagdahili sa yuta (landslide) dala sa linog.
Padayon gihapon ang clearing operations sa Department of Public Works and Highways (DPWH), samtang naggamit ang mga awtoridad og mga helicopter ug mga sakayan sa dagat aron madala ang tabang ngadto sa mga naapektuhang komunidad.
Gipahayag sa OCD nga susihon una ang sitwasyon sa maong mga dapit sa dili pa modesisyon kung ipadayon ba ang search and rescue operations o mobalhin na ba ngadto sa retrieval operations sa mosunod nga mga adlaw.