Giila ang Bombo Radyo Philippines isip Best Radio Network sa prestihiyosong Pro Patria Journalism Awards, usa ka programa sa pag-ila nga ginahimo matag tuig sa Rotary Club of Manila.
Gitunol ang maong pasidungog dungan sa pagsaulog sa Rotary Club of Manila sa Adlaw sa Kagawasan sa Pilipinas (Philippine Independence Day) niadtong Hunyo 11, 2026, didto sa Makati City.
Sa citation niini, gidayeg sa komite sa awards ang dugay na nga komitment sa Bombo Radyo Philippines sa paghatag ug masaligan nga balita, kasayuran, ug serbisyo publiko sa mga Pilipino sa tibuok nasod.
Gipahayag sa citation nga ang Bombo Radyo Philippines “nagpabilin nga usa sa labing kasaligan nga tinubdan sa balita ug kasayuran” ug gipasidunggan usab ang lig-on nga presensya sa network sa mga probinsya ug ang mga programa niini nga nakatutok sa komunidad, nga kanunay naghatod ug dinalian nga balita ug serbisyo publiko ngadto sa mga ordinaryong Pilipino.
Giila usab sa pasidungog ang dako ug mahinungdanong papel sa Bombo Radyo panahon sa mga bagyo, kalamidad, ug uban pang emerhensya, diin ang mga estasyon niini nagtabang aron magpabiling may alam ug luwas ang mga komunidad.
Sumala pa sa citation, ang Bombo Radyo Philippines nakatukod na ug dungog sa serbisyo publiko ug tinuoray nga pagpangga sa mga komunidad nga giserbisyohan niini, hinungdan nga angayan gayod kini sa maong pag-ila.
Ang Pro Patria Journalism Awards usa sa labing tinahod nga programa sa pag-ila sa journalism sa nasod.
Ang pulong nga “Pro Patria” usa ka Latin nga prase nga nagpasabot og “Para sa Nasod,” nga nagpakita sa misyon sa pasidungog sa paghatag og dungog sa mga peryodista ug mga organisasyon sa media nga nagpasiugda sa kamatuoran, nagpalig-on sa demokrasya, nagpasiugda sa patriotismo (paghigugma sa nasod), ug nagaalagad sa katawhan pinaagi sa responsable nga pamahayag.
Kini nga mga pasidungog nag-ila sa mga mamumuo ug institusyon sa media nga nagpakita og kaangayan, kaisog, kamatinud-anon, moral nga responsibilidad, pasalig sa gawasnong pagpahayag, ug dedikasyon sa pagpabilin nga may kahibalo ang publiko.
Gipresentar kini sa Rotary Club of Manila, ang una ug labing karaan nga Rotary club sa Asya, nga natukod niadtong 1919.
Ang Pro Patria Journalism Awards nahimo nang usa sa mga nag-unang programa sa pag-ila sa maong organisasyon ug giisip nga usa sa labing dungganon nga pasidungog sa journalism sa Pilipinas.
Sa acceptance speech ni Bombo Herman Basbano para sa BEST RADIO NETWORK AWARD sa Pro Patria Journalism Awards, iyang gipasalamatan ang mga nahimo ni DR. ROGELIO M. FLORETE.
Sumala kang Bombo Herman, sa tunga-tunga sa mga nahimo sa Bombo Radyo Philippines mao ang visionary leadership ni DR. ROGELIO M. FLORETE, ang Chairman sa Florete Group of Companies, ang diversified conglomerate nga adunay mga interes sa negosyo sa media pinaagi sa Bombo Radyo Philippines, banking, bulk water supply, property development, pawnshop and jewelry, aquaculture and agriculture, ug uban pa.
Labaw pa niini nga pag-ila, ang labing dako nga kabilin (legasiya) ni Dr. Florete mao ang kultura nga natukod niini sa Bombo Radyo nga mao ang kultura sa disiplina, integridad, pagpangga, ug serbisyo.
Sa ubos sa pagpangulo ni Dr. Rogelio M. Florete, nilapad ang Bombo Radyo sa Pilipinas.
Ang Bombo Radyo Philippines network labaw pa kay sa mga broadcasters lamang tungod kay sila nahimong kauban (partner) sa komunidad, nahimong tigtubag/muresponde kung adunay kalamidad, ug nahimong agianan sa public accountability pinaagi sa prinsipyo nga FAST, FIRST, AND RIGHT.
Sumala pa kang Bombo Herman Basbano, ang award nga RADIO NETWORK OF THE YEAR AWARD wala lamang gipanag-iyahan sa network kondili usa usab ka pag-ila sa dedikasyon sa among Chairman nga si DR. ROGELIO M. FLORETE, our Captain in the Industry!