Nikunhod ang Gross International Reserves sa Pilipinas ngadto sa $104.6 bilyon dollar sa kataposang semana sa bulan sa Abril, sumala sa datos nga gipagula sa Bangko Sentral ng Pilipinas (BSP).
Mas ubos kini tandi sa pundo sa nasud nga 106.2 bilyong dolyar sa katapusang semana sa bulan sa Marso.Matud sa BSP, kini katugbang sa kapin 7 ka bulan nga importasyon sa mga produkto ug bayad sa mga serbisyo ug kita nga gikan sa gawas sa nasud.
Giklaro usab sa Bangko Sentral ng Pilipinas nga ang maong kantidad musaka sa kapin tulo ka pilo sa kinatibuk-ang short-term external debt sa nasud base sa residual maturity.
Gipasabot sa BSP nga ang kamahinungdan sa pagkunhod sa GIR mao ang paggamit sa gobyerno sa mga pondo sa nasud nga dolyar aron bayran ang utang sa langyaw ug ubang gasto sa nasud, lakip niini ang pagpalit ug pagbaligya og dolyar sa BSP aron tabangan ang ekonomiya o ang bili sa peso sa nasud.
Alang sa kahibalo sa tanan, ang Gross International Reserves o GIR naglangkob sa reserba nga kwarta sa nasud batok sa langyaw nga salapi nga magamit sa pangkalibutanong negosasyon ug sa pagbayad sa obligasyon nga langyaw.
Apil usab niini ang mga reserba nga bulawan ug uban pang precious metals. Dugang pa niini, bisan paman nihit ang pundo sa nasud batok sa langyaw nga kantidad bisan paman sa maong datos nga natala, gisuguro sa BSP nga igo pa ang maong pondo aron makapalit og mga import goods ug mamahimo pa niining bayaran ang utang sa nasud sa mas ubos nga bili sa langyaw nga salapi.