Nakab-ot ni Samuel Chinecherem Ezeh gikan sa Nigeria, usa ka fashion designer ug estudyante sa Chukwuemeka Odumegwu Ojukwu University.
Nasakmit ang Guinness World Record tungod sa pagmugna niini og robe nga adunay labing taas nga manggas diin 51.20 metros ang gitas-on, mas taas pa sa Statue of Liberty ug Olympic-size swimming pool.
Bisan pa sa kalisod sa proseso, sama sa guba nga makina, naputol nga dagum, ug kulang sa pondo, nahuman ni Samuel ang sinina sulod lang sa upat ka oras gamit ang 62 ka yarda nga jampard fabric (60 alang sa manggas, 2 alang sa lawas).
Siya mismo nag-pondo sa 70% sa gastos.
Si Samuel nagsugod og praktis og tahi sa high school ug nagtukod sa iyang brand nga Eco Collection World of Beauty niadtong 2020.
Matod ni Samuel, gusto niini nga makaila ang kalibutan sa iyang fashion skills ug gusto niyang mahimong sikat ug adunahan nga fashionista.
Nangandoy usab siya nga ipakita ang sinina sa lain-laing nasud.
Pagkahibaw niyang na-break na niya ang record, misinggit siya sa kalipay ug nagtan-aw nga kini makapadasig sa uban nga mutuo sa ilang kaugalingon ug sundon ang ilang damgo.