Gipagawas na sa Makati Regional Trial Court ang extradition warrant of arrest ug hold departure order batok kang Pastor Apollo Quiboloy ug duha pa ka indibidwal nga gipangayo sa gobyerno sa Estados Unidos alang sa extradition proceedings.
Gawas kang Quiboloy, gipangalanan usab sa mando ang iyang mga kauban nga sila Teresita Dandan ug Helen Panilag human makakita ang korte og probable cause batok kanila.
Adunay 15 ka adlaw ang mga giapil sa petisyon aron mosumiter sa ilang verified answer human madawat ang summons ug kopya sa extradition petition.
Samtang, gipasalig sa National Bureau of Investigation nga andam silang motabang sa Department of Justice sa pagpatuman sa extradition kung mandoan na sa korte.
Sa laing bahin, gipahibalo sa legal counsel ni Quiboloy nga si Atty. Israelito Torreon nga andam nilang atubangon ang extradition proceedings, nga ilang gipaabot na daan.

