HomeLocal News24 patay, 11 ang nasamdan sa bangga sa bus ug truck sa...

24 patay, 11 ang nasamdan sa bangga sa bus ug truck sa India

- Advertisement -

Dili moubos sa 24 ka tawo ang namatay samtang 11 ang nasamdan human magbangga ang usa ka bus ug truck sa Assam, sa amihanan-sidlakang bahin sa India. Nahitabo ang aksidente duol sa Kaziranga National Park, usa ka UNESCO World Heritage Site.

Giingong lakip sa mga namatay ang pipila ka estudyante sa kolehiyo diin gidala gilayon sa Jorhat Medical College and Hospital ang mga nasamdan aron matambalan.

Base sa inisyal nga imbestigasyon, posibleng kusog ang dagan sa usa sa mga sakyanan sa wala pa mahitabo ang aksidente. Apan padayon pang gisusi sa mga otoridad ang tinuod nga hinungdan sa bangga.

- Advertisement -

Nagpaabot usab og pakigduyog sa kasubo si Assam Chief Minister Himanta Biswa Sarma ug mipasalig nga prayoridad sa kagamhanan ang paghatag sa gikinahanglang tabang medikal sa mga biktima.

Samtang, nagpabiling dakong problema sa India ang mga aksidente sa kadalanan, diin miabot sa 183,382 ang natala nga namatay niadtong 2025.

- Advertisement -
RELATED ARTICLES
- Advertisment -

MORE NEWS