Opisyal nga gipahibalo sa Schools Division sa Malaybalay, nga pormal nang magsugod ang enrollment alang sa umaabot nga tuig tingtungha sugod sa Hunyo 1 hangtod hunyo 5, 2026.
Giklaro ni Dr. Cherry Mae L. Reyes, ang Schools Division Superintendent sa sa Malaybalay City nga ang angay lamang mubisita sa mga tulunghaan aron magparehistro karong umaabot nga semana mao ang mga bag-ong magtutungha ug kadtong mosulod sa bag-ong mga lebel sa edukasyon.
Kini naglakip sa mga estudyante sa Kindergarten, Grade 1, Grade 7 (Junior High School), ug Grade 11 (Senior High School).
Samtang giawhag usab niini ang mga tanang mga stakeholders, ginikanan ug mga lumulupyo sa dakbayan nga makigbahin sa umaabot nga Brigada Eskwela.
Kini nga tinuig nga kalihokan sa Department of Education (DepEd) nagtumong sa pag-andam, pagpanglimpyo, ug pag-ayo sa mga pasilidad sa tulunghaan aron masiguro nga luwas ug andam ang mga saksihan alang sa pagbalik sa mga estudyante.