Nagpadala ang El Salvador og kapin 2,000 ka sundalo ngadto sa Haiti aron motabang sa pagpangita sa upat nilang kababayan nga gikatahong gidukot sa mga armadong grupo.
Personal nga nakigsabot si El Salvador President Nayib Bukele kang Haitian Prime Minister Alix Didier Fils-Aimé kabahin sa maong misyon.
Gawas sa pagpangita sa mga nawala, motabang usab ang mga sundalo sa pagpalig-on sa seguridad sa Haiti ug pagbatok sa mga gang nga naghasik og kagubot sa nasud.
Ang insidente misangpot sa tensiyon tali sa duha ka nasud human gi-ambush ug gidukot ang upat ka air force technician sa ilang pagbalik sa base kauban ang Gang Suppression Force (GSF).
Wala pa matino kon kinsang grupo ang responsable sa pag-atake ug pagdukot sa upat ka mga technician.
Ang operasyon gisuportahan sa nagkadaiyang mga nasud ug internasyonal nga organisasyon nga nagtinguha nga mapasig-uli ang kalinaw ug kahusay sa Haiti.