Mingkabat na sa kapin ₱1 trilyon ang gidak-on sa ekonomiya sa Northern Mindanao, nga nagpakita sa padayong paglambo sa rehiyon bisan taliwala sa mga hagit sa politika ug ekonomiya sa nasod. Matud ni Ray Talimio Jr., kanhi miyembro sa Oro Chamber Economic Development Committee ug kanhi RDC-10 representative, dako ang kontribusyon sa rehiyon sa Gross Domestic Product (GDP) tungod sa padayong pagsulod sa mga bag-ong pamuhunan ug negosyo.
Gipasabot usab niya nga ang dakbayan sa Cagayan de Oro pa lamang nakatala na og ₱319 bilyon nga gidak-on sa ekonomiya.
Dugang pa ni Talimio, bisan pa nga naapektuhan ang rehiyon sa kasamtangang kagubot sa politika ug dili tanang sektor ang sabay nga miuswag, klaro gihapon ang kalamboan pinaagi sa mga bag-ong proyekto ug kalihokan sa pannegosyo sa rehiyon.