Nasakmit sa mga otoridad ang dul-an P1,000,000 nga kantidad sa giingong shabu sa buy-bust operation sa Purok 11, Poblacion, Valencia City, Bukidnon kagahapong adlawa.
Nadakpan sa operasyon ang duha ka lalaki nga giila sa kapulisan nga sila si Rex Voltaire Carva Lazanas alyas “Ric Ric,” 39 anyos, ug Zaide Lanayan Dagdagan, 30 anyos, mga residente sa maong lugar.
Gipatuman ang operasyon sa Valencia City Police Station, City Anti-Drugs Special Unit Team ug Philippine Drug Enforcement Agency-Bukidnon ubos sa koordinasyon sa PDEA.
Narekober gikan sa mga suspek ang gibana-banaang 121 gramos nga giingong shabu nga adunay standard drug price nga P822,800.
Anaa na karun sa kustodiya sa Valencia City Police Station ang duha ka suspek alang sa tukmang disposisyon.