Gipasalig sa Department of Trade and Industry (DTI) sa publiko nga walay gilaumang pagsaka sa presyo sa mga batakang palaliton bisan pa sa posibleng pagsaka sa presyo sa produktong petrolyo sunod semana tungod sa bag-ong tensiyon tali sa Estados Unidos ug Iran.
Matud ni DTI Secretary Cristina Roque, wala pay petisyon gikan sa mga manufacturers alang sa price adjustment sa basic ug prime commodities.
Dugang pa niini, sayo pa ang pagtagna sa posibleng epekto niini, busa mas maayong hulaton una ang dugang kalamboan sa sitwasyon.
Kahiinumdoman nga sa miaging tensiyon tali sa Iran ug Estados Unidos, misaka ang presyo sa lana human sa mga pag-atake ug pagsira sa Strait of Hormuz, nga maoy usa sa mga nag-unang agianan sa mga barkong nagkarga og produkto sa lana.
Kini nahimong rason usab sa pagsaka sa gasto sa transportasyon ug pag-apod-apod sa mga produkto