Nakakustudiya na sa Valencia City Police Station ang drayber sa trak nga nalambigit sa disgrasya nga miresulta sa kamatayon sa lima ka indibidwal ug kritikal nga kahimtang sa laing tulo pa ka biktima sa may Barangay Lurugan, Valencia City, Bukidnon kagapong adlawa, Pebrero 8, 2026.
Sa pakighinabi sa Bombo Radyo Malaybalay kang Samuel Sembrano, drayber sa sakyanan sa nasangpit nga aksidente, gisaysay niini nga nawad-an og preno ang gimanehoang trak busa napugos kini nahimo nga ibangga sa usa ka paril.
Dugang pa niini, wala siya nasud kung pila ang misakay sa trak sa wala pa kini nibangga gumikan nakibay lamang ang mga biktima.
Apan matud sa taho sakay sa truck ang pito ka trabahante sa pinya, samtang duha ka pasahero ang sakay sa usa ka motorsiklo nga nalakip usab sa disgrasya.