Gipanghimakak sa Department of Justice (DOJ) nga tinuod ang pag-apruba nila sa hangyo ni kanhi Department of Public Works and Highways Secretary Manuel Bonoan nga makabyahe.
Sumala ni Justice Secretary Fredderick A. Vida, dili tinuod nga gitugotan sa DOJ ang plano sa pagbiyahe sa kanhing kalihim gawas sa nasud.
Bisan pa man nga tinuod nga nagpahibalo si Bonoan sa iyang kagawaran, giklaro ni Justice Sec. Vida nga wala kini gi-aprubahan.
Ang gihimo lamang sa prosekusyon mao ang pagdawat o pag-note sa sulat ni Bonoan bahin sa iyang plano nga pagbiyahe.
Sukwahi kini sa bag-ong pahayag ni former Sec. Bonoan nga giingon niyang gi-aprubahan sa DOJ ang iyang biyahe sa Amerika tungod sa medikal nga panginahanglan sa iyang asawa.
Gipasabot sa DOJ nga dili sakop sa ilang mandato ang pagtugot o pagpugong sa usa ka tawo nga mogawas sa nasud kay kini katungod sa matag-usa.
Apan tungod nga adunay issued nga direktiba ang korte, nga dili makabiyahe si kanhing Sec. Bonoan ug ang uban pa niyang kauban nga respondents nga wala’y pagtugot samtang nag-atubang sa kaso sa plunder ug uban pang reklamo.
Nagpagawas ang Manila Regional Trial Court Branch 52 og Precautionary Hold Departure Order batok kanila Bonoan, Sen. Jinggoy Estrada, former DPWH Usec. Roberto Bernardo, Henry Alcantara, ug Gerard Opolencia.
Bisan pa niini, sumala ni Justice Spokesperson Atty. Polo Martinez nga adunay pa’y remedyo ang respondents kung gusto nila mo-byahe gawas sa nasud.
Mahimo silang magpasa og motion sa korte aron ma-lift ang issued nga Precautionary Hold Departure Order ug matugotan nga makabiyahe gawas sa Pilipinas.