Wala pay gikonsiderang military action ang Department of National Defense bisan pa sa padayong agresyon sa China sa West Philippine Sea.
Matud ni Defense Secretary Gibo Teodoro, anaa sa China ang responsibilidad sa paglikay sa panagbangi tungod sa ilang presensya sa mga lugar nga walay katungod niini.
Gipatin-aw ni Teodoro nga dili pa sila magbutang og piho nga threshold sa posibleng tubag sa gobyerno tungod sa padayong pag-uswag sa sitwasyon.
Matud pa niya, nagpadayon ang Pilipinas sa pagpalig-on sa depensa ug pakigtambayayong sa ubang nasod.
Samtang padayong gipalig-on ang kapasidad sa nasod, giingon ni Teodoro nga importante usab ang diplomatic efforts aron mapanalipdan ang interes sa Pilipinas.
Nagpadayon ang Pilipinas sa pagpalig-on sa Armed Forces ug diplomatic capabilities samtang nagpadayon ang tensiyon sa West Philippine Sea.