Dingdong Dantes, gihimakak ang viral post bahin sa iyang komento sa pagka-Presidente ni VP Sara Duterte

Hugot nga gipanghimakak sa sikat nga actor-host nga si Dingdong Dantes ang nanggawas nga post sa social media nga matud pa naghatag kini og komento mahitungod sa pagdagan ni Vice President Sara Duterte pagka-presidente sa umaabot nga 2028 elections.

Pinaagi sa iyang official Facebook account, gi-share sa aktor ang screenshot sa maong post ug gimarkahan kini og “false” aron pagklaro nga kini walay kamatuoran.

Ang maong post nga gikan sa account ni Amy Imperial Ugay nag-ingon nga nahadlok  si Dingdong kung modaug si VP Sara  gumikamn  makita niya niini ang kaisog ug abilidad nga mamuno sama sa iyang amahan nga si kanhi Presidente Rodrigo Duterte, butang nga daling gipanghimakak sa actor.