Mipahayag ang abogado sa depensa nga si Atty. Michael Wesley Poa nga ilang gitahod ang prerogative sa prosecution sa pagpili sa han-ay sa mga testigo, samtang ilang gipabilin ang katungod nga mangayo og igong panahon alang sa cross-examination.
Matud niya, ilang gibawi ang objection sa pagpresentar sa mga testigo aron malikayan ang paglangan, tungod kay gilauman nilang hatagan gihapon sila og panahon sa pag-andam.
Gipasabot usab sa abogado ang Arias Doctrine, diin mahimong mosalig sa maayong pagtuo ang hepe sa ahensya o local chief executive sa trabaho sa iyang mga sakop.
Samtang, gipatin-aw sa Poa nga wala siya mouyon sa giingong komento ni Atty. Paolo Panelo bahin sa desisyon sa impeachment court ug miingon nga kinahanglan respetohon ang korte ug gamiton ang hustong legal nga remedyo kung adunay pagsupak sa desisyon.
Gidugang pa niini nga nasuko kini sa paghisgot sa iyang ngalan sa maong isyu ug giklaro nga ang iyang pokus mao lamang ang legal nga aspeto sa impeachment.
Giingon sa defense counsel nga magpadayon sila sa pag-andam sa cross-examination sa mga testigo sa prosecution, lakip ang mga posibleng ipresentar sa umaabot nga mga hearing.