Gipahayag ni Davao City Mayor Sebastian “Baste” Duterte nga dili niya tugotan ang pag-award og kontrata sa GenCorp Industries Inc. kung nahibalo kini stockholder niini ang iyang igsoon nga si Vice President Sara Duterte.
Sa impeachment trial, giingon ni Baste nga wala siya kahibalo nga nadeklarar ni VP Sara sa iyang SALN nga stockholder siya sa GenCorp. Gikuwestiyon usab ni Senate President Sherwin Gatchalian nganong kanunay nakadaog ang GenCorp sa 19 ka bidding alang sa catering services sa Davao City LGU.
Matud ni Baste, iyang gipasalig sa iyang representative nga husto ug legal ang proseso.
Sa cross-examination, gipangutana si Baste kung sa iyang pagkaila sa iyang igsoon, mahimo ba niyang hangyoon ang gobyerno alang sa pabor o espesyal nga pagtagad sa mga kontrata.
Mitubag siya og dili.
Gipatin-aw usab ni Baste nga wala siyay personal nga kahibalo sa mga asset, liability ug uban pang disclosure ni VP Sara sa iyang SALN, tungod kay matud niya, dili kini iyang responsibilidad ug ilang gitahod ang pribasiya sa usag usa.